နေမင်းကြီးကမေးတယ်

"ပူပြင်းခြောက်သွေ့တဲ့အချိန် အေးမြတဲ့ ရေလေးတခွက် လာတိုက်တာဘယ်သူလဲ?" တဲ့။

လမင်းကြီးကမေးတယ်

"အေးချမ်းလွန်းတဲ့ ညချမ်းတွေမှာ နွေးထွေးမှုကို ယူဆောင်လာပေးမှာ ဘယ်သူလဲ?"တဲ့။

ကြယ်ကလေးတွေကမေးတယ်

"ဘာမျှမရှိတဲ့ ဘဝရဲ့ ခံစားမှု ဟင်းလင်းပြင်လေဟာနယ်ကြီးထဲ ပြည့်စုံမှုတွေကို ယူဆောင်လာပေးတာ ဘယ်သူလဲ?"တဲ့။

ပန်းပွင့်လေးတွေကမေးတယ်

"အလှဆုံးသော ပန်းတွေ၊ အချိုမြိန်ဆုံးသော အနမ်းတွေ ပွင့်လန်းဖို့ ဝတ်မှုံလေးတွေ ဆောင်ယူလာမှာ ဘယ်သူလဲ?"တဲ့။

နံနက်ခင်းမှာ တိုက်ခတ်တဲ့ လေပြေလေးက မေးတယ်

"နိုးထချိန်တ်ိုင်းမှာ မျှော်လင့်ချက်တွေ၊ အားအင်တွေ ဖြည့်ဆည်းပေးမှာ ဘယ်သူလဲ?"တဲ့။

နာရီလေးကလည်း မေးတယ်

"ပျော်ရွှင်ချိန်တွေ၊ ဝမ်းနည်းချိန်တွေ၊ အားငယ်နေချိန် နဲ့ စိတ်အားထက်သန်နေချိန် တွေတိုင်းမှာ အတူတူ အနားရှိနေတာ ဘယ်သူလဲ?"တဲ့။

ကော်ဖီနွေးနွေးလေးတခွက်က မေးတယ်

"Coffee နွေးနွေးလေးတခွက်ကို အတူတူသောက်ပြီး အနားမှာ လက်လေးကို ကိုင်စွဲထားမယ့်သူလေးက ဘယ်သူလဲ?"တဲ့။

စာအုပ်လေးတွေကမေးတယ်

"အသိပညာတွေ၊ စာလုံးလေးတွေကို အတူတူ ဖတ်ရှုပြီး ရင်ထဲက စကားလုံးတွေကို အတူတူရေးသားမယ့် သူလေးရှိပြီလား?"တဲ့။

သီချင်းလေးတွေက မေးတယ်

"ချစ်ခြင်းမေတ္တာတရားကို သီဆိုဖွဲ့နွှဲ့ဖို့ လုံလောက်တဲ့ အကြောင်းတရားလေးတခု ရှိနေပြီလား?"တဲ့။

ငှက်ကလေးတွေက မေးတယ်

"ကောင်းကင်ပြာကြီးအောက်၊ မြက်ခင်းစိမ်းကွင်းပြင်ကြီးတွေ အထက်မှာ အတူတူပြေးလွှားရင်း "ချစ်တယ်" ဆိုတဲ့ အကြောင်းတွေကို ပြောပြရမယ့်သူ ကဘယ်သူလေးလဲ?"တဲ့။

တောင်တန်းကြီးကမေးတယ်

"ဘဝရဲ့ အတက်အကျ အနိမ့်အမြင့်တွေတိုင်းမှာ အတူရှိနေပေးမယ့်သူ၊ ကောင်းမွန်သော အရာရာနဲ့ ထိုက်တန်တဲ့သူလေးက ဘယ်သူလဲတဲ့?"တဲ့။

ပင်လယ်ပြင်ကြီးက မေးတယ်

"စိမ်းပြာနေတဲ့ ရေပြင်ကြီးရဲ့အနား၊ လှပကျယ်ပြောလှတဲ့ သဲသောင်ပြင်ကြီးအထက်မှာ ပြောမပြတတ်လောက်တဲ့ ချစ်စိတ်၊ခံစားချက်လေးတွေကို အတူတူ ဖလှယ်မယ့်သူလေးက ဘယ်သူလေးလဲ?"တဲ့။

မိုးရေစက်လေးတွေက မေးတယ်

"တမိုးအောက်မှာ အတူတူ ပေါင်းစည်းပေးမယ့်သူ၊ ထမင်းဝိုင်းလေးမှာ အတူတူ စားသောက်ပေးမယ့်သူ၊ နှုတ်ကပတ်တော်ကို အတူတူ ဖတ်ရှုမယ့်သူလေးတယောက်က ဘယ်သူလေးလဲ?"တဲ့။

...

ကျွန်တော့်ကို ပြောဆိုလို့ မေးမြန်းလာကြတဲ့အခါ

ကျွန်တော် ရိုးရိုးလေး ပြန်ဖြေလိုက်တယ်။

သူကလေးက ...

ဖြိုးသဉ္ဇာလွင်ဦး လေးပါ။

ကျွန်တော်ချစ်ရသော မိန်းကလေး၊

ကျွန်တော်တွယ်တာရသော၊ မြတ်နိုးရသော၊ တန်ဖိုးထားရသော မိန်းကလေးပါ။

ကျွန်တော့်ကိုလည်း အချစ်စစ် အချစ်မှန်နဲ့ အချိန်အကြာကြီး ချစ်ခဲ့သောသူ၊

ကျွန်တော့်ကို စောင့်နေပေးခဲ့သော မိန်းကလေးပါ။

ကျွန်တော် သူ့ကို အရမ်းချစ်တယ်။

Koe's Berry

Merry Christmas, my love! 🎄❤️ You make every moment special, and I’m so grateful to have you by my side. May this Christmas bring you endless joy, warm memories, and all the happiness you deserve.

As we welcome the New Year, I look forward to creating more beautiful memories with you. Here's to love, laughter, and a wonderful year ahead together. 💕✨

Also, Happy 3rd Monthsary, my love! 🎄❤️ These past three months with you have been the most beautiful part of my life, and I can't wait to celebrate many more months, years and milestones together.

The One and only One for me

Get Notify!