ချင်းမိုင်မှာ Driving License ဘယ်လိုလုပ်မလဲ? (မြန်မာလိုင်စင်ရှိပြီးသားသူများအတွက်သာ)

အရမ်းလွယ်ပါတယ် (ကိုယ့်မြန်မာလိုင်စင်မှာ ဆိုင်ကယ်ရော-ကားရောပါတယ်ဆို Thai ဆိုင်ကယ်လိုင်စင်ရော ကားလိုင်စင်ရော နှစ်ခုစလုံး တန်းရပါတယ်။ ဘာမှဖြေဖို့မလိုပါ။ ကားတစ်ခုထဲ ပါတာဆိုရင်တော့ ကားပဲရပါမယ်။ ဆိုင်ကယ်ကဖြေရပါတယ်)

ကိုယ်တိုင်လုပ်ခဲ့တဲ့ အတွေ့အကြုံလေးမျှဝေချင်ပါတယ်။ လိုင်စင်ရုံးကို သွားရတာက တစ်ရက်ထဲပဲ သွားရပြီး license ရခဲ့ပါတယ်။ Thai Immigration မှာ ထောက်ခံစာယူရတာက တစ်ရက်ကြာလို့ စုစုပေါင်း နှစ်ရက်နဲ့ license ရပါပြီ။

လိုအပ်တဲ့ စာရွက်စာတမ်းများ

Thai Immigration ထောက်ခံစာ (ဒီလူဟာဒီမှာနေပါ ဆိုတဲ့နေထိုင်ကြောင်းထောက်ခံစာပါ)
Medical certificate (ကျန်းမာရေး ကောင်းမွန်ကြောင်း ထောက်ခံစာ)
မြန်မာနိုင်ငံက ယာဥ်မောင်းလိုင်စင်
TM (30)
Passportမူရင်း ( visa က ရက် 30 ကျန်ရပါမယ်)

ဒီ (၅) ခုလုံးကို copy ဆွဲရသလို မူရင်းလဲ ပြရပါတယ်ဗျ။

ပထမဆုံး Immigration ထောက်ခံစာယူဖို့ airport အရှေ့က Chiang Mai Immigration Office ကိုသွားရပါမယ် (Google Map)

Immigration ထောက်ခံစာယူဖို့ လိုအပ်တဲ့ စာရွက်စာတမ်းများ

TM (30) Copy တစ်ရွက်
Passport ရှေ့စာမျက်နှာ Copy တစ်ရွက်
Visa တုံးထုထားတဲ့ စာမျက်နှာ Copy တစ်ရွက်
ဓာတ်ပုံတစ်ပုံ (Visa လျှောက်တုန်းကလိုဓာတ်ပုံ size တစ်ပုံ (နောက်ခံအပြာ(or) အဖြူ)
မြန်မာလိုင်စင် (copy ဆွဲရန်မလို) မူရင်းပြ
Passport မူရင်း

ကျွန်တော်ကတော့ Thai ဘက်ရောက်ပြီး အိမ်ငှားပြီးတယ်ဆို အိမ်ရှင်က TM (30) လုပ်ပေးပါတယ် (အိမ်ငှားပြီးတာနဲ့အိမ်ရှင်ကိုလုပ်ခိုင်းလို့ ရပါတယ်)။

ပထမနေ့

ဒီ (၆) ခုစုံရင် immigration ထောက်ခံစာယူဖို့ Chaing Mai Immigration Office ကိုသွားပါ။ ဒုတိယထပ်ကိုသွားရပါတယ်။

ရုံးကို အတွင်းပိုင်း ဝင်ပေါက်ကနေ ညာဘက်ကို လှမ်းကြည့်လိုက်ရင် မှန်တံခါးရှိပါတယ်။ အဲ့နေရာကနေအပေါ်ထပ် တက်လို့ရသလို ရုံးအပြင်ဘက် ညာဘက်ကနေ လမ်းလျှောက်သွားရင် မှန်တံခါးတစ်ခုရှိပါတယ်။ အဲ့ကနေလဲ အပေါ်တက်လို့ရပါတယ်။

လှေကားတက်တက်ခြင်း ထောင့်ချိုးလေးမှာ ကောင်တာရှိပါတယ်။ အဲ့ကောင်တာမှာ ခုန အဆင်သင့်လုပ်ထားတဲ့ (TM30 Copy၊ passport ရှေ့မျက်နှာ Copy ၊ passport visa နေရာ Copy ၊ ဓာတ်ပုံတစ်ပုံ နောက်ခံအပြာ(သို့)အဖြူ၊ မြန်မာလိုင်စင်မူရင်း၊ passport မူရင်း ) အဲ့တာတွေကို အဲ့လှေကားထောင့်ချိုးလေးက ကောင်တာမှာထပ်ပါ။ မြန်မာလိုင်စင်နဲ့ passport က မပေးခဲ့ရပါဘူး။ ပြပဲပြရတာပါ။ Copy စာရွက်လေး (3) ရွက်နဲ့ ဓာတ်ပုံတစ်ပုံပဲ ပေးခဲ့ရတာပါ။ (အရေးကြီးတာက အဲ့စာရွက်တွေထပ်တဲ့အချိန်မှာ Passport ကြားထဲ 500 ဘတ် ညှပ်ပေးဖို့ပါပဲ။ နောက်မပေးရင်သူတို့က ရစ်ခြင်ပါတယ်။ တချို့ဆို ရက်သုံးဆယ်မှ ရမယ်။ ဘာညာဆိုပြီး ပြောပါတယ်။ အဲ့တော့ တခါထဲ စာရွက်ထပ်ထဲက 500 ဘတ် ညှပ်ပေးလိုက်ပါ။ စာရွက်ထပ်ပြီးတာနဲ့ မြန်မာလိုင်စင်ရယ် passport ရယ် နောက်နေ့ Immigration ထောက်ခံစာ လာပြန်ထုတ်ဖို့ ရက်ချိန်းစာရွက်လေးပေးပါတယ်။

ဒုတိယနေ့

ဒုတိယနေ့မနက် ထောက်ခံစာယူဖို့အဲ့ရုံးကိုပဲ 8:30 AM အရောက်သွားပါ။ အဲ့တာမှ လိုင်စင်ရုံးမှာ အချိန်မှီအောင်လို့ပါ။ 8:30 am ရောက်တာနဲ့ ပထမနေ့ကထပ်ခဲ့တဲ့ကောင်တာမှာ တန်းစီပြီး သူတို့ပေးလိုက်တဲ့ စာရွက်လေးပြန်ပေးလိုက်ပါ။ Immigration ထောက်ခံစာ ပြန်ပေးပါလိမ့်မယ်။ အဲ့တာရပြီဆို လိုင်စင်ရုံးကိုသွားပါ [Chiang Mai Provincial Land Transport Office 2]။

လိုင်စင်ရုံးသွားဖို့ လိုအပ်တဲ့ စာရွက်စာတမ်းများ

Passport ရှေ့မျက်နှာ Copy နှစ်ရွက်
Visa နေရာ Copy နှစ်ရွက်
Medical Certificate (ကျန်းမာရေးထောက်ခံစာ) ကျန်းမာရေးထောက်ခံစာက မူရင်းရော ပေးရတာမို့ copy တစ်ရွက် ဆိုရပြီ
Immigration ထောက်ခံစာ (immigration ထောက်ခံစာလဲတူတူပဲ။ မူရင်းရော ပေးရလို့ copy တစ်ရွက်)
မြန်မာလိုင်စင် မူရင်းနဲ့ copy နှစ်ရွက်

ဒါတွေက မူရင်းရော copy တွေလိုပါမယ် Copy က လိုင်စင်ရုံးမှာ ဆွဲလို့ရပါတယ်။

ကျန်းမာရေးထောက်ခံစာက လိုင်စင်ရုံးနားက [Health Care Medical Clinic (HCMC) ] Google Map မှာ ရှာကြည့်ပါ။ လိုင်စင်ရုံးနဲ့နီးပါတယ်။ အဲ့မှာယူလို့ရပါတယ်။ Certificate For Driving License လို့ ပြောလိုက်ရင်သိပါတယ်။

တယောက်ကို 100 ဘတ် ပေးရပါတယ်။ သွေးပေါင်ချိန်တာ။ သူတို့မေးစရာရှိတာတွေ လုပ်ပေးပါတယ်။ ပြီးရင် ကိုယ်နေတဲ့ နေရပ်လိပ်စာ ပြောပေးရပါတယ်။ ပြီးရင် ကျန်မာရေးထောက်ခံစာရပါပြီ။ လူများတာတောင် အရမ်းကြီးမစောင့်ရပါဘူး။ လိုင်စင်ရုံးနဲ့လဲ နီးပါတယ်။ ကျွန်တော့်တုန်းက ဆေးခန်းက အထွက် Grab ခ သက်သာအောင် လိုင်စင်ရုံးကိုလမ်းလျှောက်သွားလိုက်တာပါ။ 17 မိနစ် 18 မိနစ်လောက် လျှောက်ရပါတယ်။ အပူမခံနိုင်ရင် အသားမဲမှာကြောက်ရင် လမ်းမလျှောက်ဖို့ အကြံပေးချင်ပါတယ်။ နီးမလိုလိုနဲ့ လျှောက်ရတာ ဝေးသလိုလေး ခံစားရပါတယ်။

လိုင်စင်ရုံးရောက်လို့ ရုံးထဲဝင်ပြီးရင် ဝင်ပေါက်နဲ့ မလှမ်းမကမ်း ဘယ်ဘက်မှာ လှေကားရှိပါတယ်။ အဲ့ကနေ ဒုတိယထပ်ကိုတက်ပါ။ ဒုတိယထပ် ရောက်ရောက်ချင်း လှေကားဆုံးတာနဲ့ ဘယ်ဘက်ကို ဆုံးအောင် လျှောက်သွားလိုက်ပါ၊။ မိတ္တူတွေကို အဲဒီမှာ ဆွဲလဲ ရပါတယ်။ ခုံတွေ အကုန်လုံးရဲ့ ထောင့်လေးမှာ Copy ကောင်တာရှိပါတယ်။ အဲ့မှာ ကိုယ်လိုအပ်တာတွေကို အပေါ်မှာပြောခဲ့သလို Copy ဆွဲပါ။

ပြီးလျှင် ကိုယ်မြန်မာကားလိုင်စင်မှာ ဆိုင်ကယ်ပါတယ်ဆိုရင်။ ဆွဲထားတဲ့copyတွေကို နှစ်အုပ်ခွဲပါ။ passport ရှေ့မျက်နှာတစ်အုပ်ကို Copy တစ်ရွက် ၊ Visa နေရာ တစ်အုပ်ကို Copy တစ်ရွက်၊ ကျန်းမာရေးထောက်ခံစာက တစ်အုပ်က မူရင်းတစ်ရွက် နောက်တစ်အုပ်က copy ၊ Immigration ထောက်ခံစာလဲ တူတူပဲ မူရင်းရော ပေးရတာမို့ တစ်အုပ်ကို မူရင်းထည့် တစ်အုပ်ကို Copy တစ်ရွက်ထည့်၊ မြန်မာကားလိုင်စင် တစ်အုပ်ကို Copy တစ်ရွက်။ အဲ့လို ကိုဆွဲထားတဲ့ Copy တွေကို နှစ်အုပ်ခွဲပြီးရင် Copy ကောင်တာမှာ စာအုပ်ညှပ်တဲ့ ကလစ် ရှိပါတယ်။ ယူသုံးရပါတယ်။ အဲ့တာနဲ့ ညှပ်ပြီး တစ်အုပ်စီ စာရွက်တွေမလွင့်အောင် ညှပ်လိုက်ပါ။ ပြီးရင် ကိုယ်ခွဲထားတဲ့ Copy နှစ်အုပ်စလုံးကို ကျန်းမာရေးထောက်ခံစာ စာရွက်ကလွဲပြီး ကျန်တာတွေကို ညာဘက်အောက်ထောင့်မှာ နာမည်ရေးပြီး လက်မှတ်ထိုးလိုက်ပါ။

ပြီးသွားပြီဆိုရင် အဲ့ copy နှစ်အုပ်အပေါ်မှာ passport မူရင်းရယ် မြန်မာလိုင်စင်ရယ်တင်ပြီး Counter-27 ကိုသွားပါ။ အဲ့မှာထပ်လိုက်ပါ ဆိုင်ကယ်ရော ကားရောလုပ်မှာဆိုရင် (ဆိုင်ကယ်ရော ကားရော) လုပ်မှာလို့ ကောင်တာက လူကို တစ်ခါထဲပြောပါ။ ကိုယ်က E-learning training ကြည့်ထားတဲ့ QR ရှိရင် အဲ့တာပြလိုက်ပါ။ အဲ့တာပြပြီးရင် စာရွက်မှာ ဝိုင်းပေးပြီးတော့။ နေ့လည် (၁) နာရီ ပြန်လာဖို့ ချိန်းပါလိမ့်မယ်။ တစ်ချို့ကို စာရွက်တွေ ပြန်ပေးပြီး။ နေ့လည် (၁) နာရီ ပြန်လာဖို့ ချိန်ပြီး။ တစ်ချို့ကိုတော့ ကိုယ်ထပ်လိုက်တာတွေ ယူထားလိုက်ပြီး နေ့လည် (၁) နာရီ ပြန်လာဖို့ချိန်းပါတယ်။ ကိုယ့် passport တွေ လိုင်စင်တွေယူထားလိုက်လို့ စိတ်မပူပါနဲ့။ သူတို့က တစ်နေ့နဲ့တစ်နေ့ လုပ်တာက ပုံစံမတူလို့ပါ။ တစ်ချို့ကို ပြန်ပေးတယ် တစ်ချို့ကို ယူထားပြီး။ နေ့လည် (၁) နာရီ ပြန်ချိန်းပါတယ်။

ကျွန်တော့်တုန်းကတော့ လူများနေလို့ နေ့လည် (၃)နာရီပြန်ချိန်းလိုက်ပါတယ်။ အဲ့အခါ စောင့်နိုင်ရင်တော့ အနားက Big C ကိုသွားပြီး နေ့လည်စာစား လျှောက်ပတ်ပြီး စောင့်လို့ရပါတယ်။

E-earning training

E-earning training ဆိုတာ online ကနေကြည့်ရတဲ့ ယာဥ်စည်းကမ်း/ လမ်းစည်းကမ်း Video ပါ။ အဲ့ website ထဲကိုဝင်ပြီး passport ဆိုတာကို ရွေးပြီးကိုယ့် နံပတ်တွေထည့်ပါ ပြီးရင်။ အောက်နားလေးမှာ User name ထုတ်ပေးပါတယ်။အဲ့ username နဲ့မှဝင်ပြီး Video ကြည့်လို့ရတာပါ။ video (၄) ပုဒ် ကြည့်ရပါတယ်။ (၄) ပုဒ်ကို (၁) နာရီကြာပါတယ်။

Video တပုဒ်မှာ မေးခွန်းတခုပါပါတယ်။ အဲ့တာလေးတွေဖြေပေးမှ video က ဆက်သွားပါတယ်။ အဲ့ (၄) ပုဒ်လုံးကြည့်ပြီးရင် QR ပုံလေး ထွက်လာပါတယ်။ အဲ့ QR ကို Screen Shoot ရိုက်ထားပြီး Counter-27 Foreigner ဆိုတဲ့ကောင်တာမှာ ခုနစာရွက်တွေထပ်ရင်ပြရတာပါ။ မပြရင်လဲကြည့်ပြီးပြီလား မေးပါတယ်။ ကြိုကြည့်သွားလိုက်ကြပါ။ ရုံးမှာ လူများရင် အခန်းထဲ သွားမကြည့်ရပါဘူး။ အဲ့ Online ကိုပဲ ကိုယ့်ဘာသာ ပြန်ကြည့်ခိုင်းပါတယ်။ E-learning training website ကို အောက်မှာ ဝင်ကြည့်ပါ။

https://www.dlt-elearning.com/

ကိုယ့်စာရွက်တွေ ထပ်ထားပြီး (၁) နာရီ ပြန်ချိန်းလို့ အချိန်တွေ ပိုနေရင်။ လိုင်စင်ရုံးရဲ့ဘေးမာ Big-C ရှိပါတယ်။ (၃) မိနစ်လောက်ပဲ လမ်းလျှောက်ရပါတယ်။

နေ့လည် (၁) နာရီထိုးလို့ လိုင်စင်ရုံးထဲ ပြန်ရောက်ရင် စာရွက်တွေ ပြန်ပေးလိုက်တဲ့ လူတွေက အဲ့Counter-27 Foreigner ကိုပဲသွားပြီး။ ပြန်ထပ်ပါ။ ပြီးရင်ခနထိုင်စောင့်ပါ။ ကိုယ့်နာမည်နဲ့ passport ထောင်ပြပြီး ခေါ်ပါလိမ့်မယ်။ အဲ့ကောင်တာမှာ ဝါစိမ်းနီ ကြည့်ခိုင်းပါတယ်။ ပြီးရင်စာရွက်တွေနဲ့ နံပါတ်ကဒ်လေးထုတ်ပေးပါလိမ့်မယ်။

စာရွက် ယူထားလိုက်တဲ့သူတွေက အဲ့Counter-27 Foreigner ကိုပဲသွားပြီး ကိုယ့်အလှည့်ရောက်ပြီလားမေးပါ။ ဝါစိမ်းနီ ကြည့်ခိုင်းပြီး။ နံပါတ်ကဒ်လေးပေးပါလိမ့်မယ်။

Counter-27 Foreigner အဲ့ကောင်တာက ကိုယ့်စာရွက်စာတမ်းတွေနဲ့ နံပါတ်ကဒ်လေးပေးပါတယ်။ ပြန်ပေးလိုက်တဲ့ စာရွက်တွေမှာလဲ ဘယ်နေရာမှာလက်မှတ်ထိုးဆိုပြီး ပြောပြလိုက်ပါတယ်။ လက်မှတ်ထိုးရမဲ့နေရာထိုးပြီး။ နံပါတ်ကဒ်ထဲက ကိုယ့်နံပါတ်ကိုစောင့်ပါ။ နံရံပေါ်က TV မှာ လဲပြသလို အသံနဲ့လဲအော်ပါတယ်။ ကိုယ့်နံပါတ် TV မှာပေါ်ရင် ကိုယ့်နံပါတ်ရဲ့ဘေးမှာ ကိုယ်သွားရမဲ့ ကောင်တာနံပါတ်ပါ ပြပါတယ်။ ကိုယ့်အလှည့်ကျ ကိုယ့်နံပါတ်အတိုင်းကျတဲ့ကောင်တာသွားပါ။ အဲ့ကောင်တာကို ခုနက ပြန်ထုတ်လာတဲ့ စာရွက်တွေ ပေးပါ။ ပြီးရင် သူက လက်မှတ်ထိုးခိုင်းပါလိမ့်မယ်။ ပြီးရင် အဲ့ကောင်တာမှာပဲ ဆိုင်ကယ်အတွက် 105 ဘတ်၊ ကားအတွက် 205 ဘတ် (စုစုပေါင်း 310 ဘတ်) ကို အဲ့ကောင်တာမှာပဲ ငွေသွင်းရပါတယ်။ ငွေသွင်းပြီး စာရွက်တချို့ပြန်ထုတ်ပေးပါတယ်။

အဲ့စာရွက်တွေယူပြီး အဲ့ကောင်တာ နောက်ကြောဘက်မှာ ဓာတ်ပုံရိုက်တဲ့နေရာရှိပါတယ်။ ဝင်သွားပြီး။ လူရှိရင် တန်းစီပြီး။ ကိုယ့်အလှည့်ကျ ခုနစာရွက်လေးတွေ ပေးလိုက်ပါ။ အဲ့ ဓာတ်ပုံကောင်တာမှာ မြန်မာလိုင်စင် ပေးစရာမလိုပါ။ passport ပေးစရာမလိုပါ။ သိမ်းထားလို့ရပါပြီ။ ခုနကောင်တာက စာရွက်လေးတွေပေးပြီး ဓာတ်ပုံရိုက်ရုံပါပဲ။ ရိုက်ပြီးရင် ဘေးက ခုံလေးမှာ ခနထိုင်စောင့်ပါ။ ပြီးရင် ဓာတ်ပုံရိုက်တဲ့လူကြီးကပဲ။ ကိုယ့်Thai လိုင်စင် ထုတ်ပေးပါလိမ့်မယ်။ ဆိုင်ကယ်လိုင်စင် နဲ့ ကားလိုင်စင် (၂) ကဒ်ပါ။

ကဲအဲ့တာဆို လိုင်စင်ရပါပြီ။ အပျော်လွန်ပြီး အတင်းမပြန်ပါနဲ့။ ကိုယ့်အသက်လို အရေးကြီးတဲ့ passport တွေ၊ မြန်မာလိုင်စင်တွေ မေ့မကျန်ခဲ့အောင် ပြန်စစ်ပါ။ စာအရှည်ကြီးကို ဆုံးအောင် ဖတ်ပေးတဲ့အတွက် ကျေးဇူးတင်ပါတယ်။

(အားလုံး ငွေကုန်ကြေးကျနည်းပြီး လွယ်လွယ်ကူကူနဲ့အဆင်ပြေကြပါစေဗျာ၊ ကိုယ်တိုင် အတွေ့အကြုံကို မျှဝေခြင်းဖြစ်ပါတယ်)

(ကိုခက်လေး-ချင်းမိုင် ရေးသားထားခြင်းကို ကူးယူဖော်ပြခြင်း ဖြစ်ပါသည်။)

#credit to original uploader

ချင်းမိုင်မှာ Driving License ဘယ်လိုလုပ်မလဲ?

Get Notify!