အအေးဒဏ်ကို မည်သို့အံတုပါ့

အချိန်နာရီမှာ နံနက်၃နာရီ

တရေးနိုးလာသောအိပ်မက်မှာကား ကျွန်ုပ်၏ ဝေးဌာနေ။

အအေးဒဏ်နှင့် လွှမ်းဆွတ်မှုဒဏ်များ ရောယှက်ကာ

ဤအမှောင်ထု၌ အကျွန်ုပ်သည် ကျရှုံးရလေသည်။

အိပ်မက်ဆိုးနှင့် မှောင်မိုက်တန်ခိုးများသည်

အကျွန်ုပ်ကို မခံမရပ်နိုင်အောင် နိပ်စက်ကြလေပြီ။

အိုထာဝရဘုရား၊ အကျွန်ုပ်အား ကယ်တင်တော်မူပါ။

ဤအအေးဒဏ်သည် အကျွန်ုပ်ကို အားယုတ်လျော့စေပါ၏၊ ပြိုလဲစေပါ၏။

မနက်ဖြန်တိုင်း၏ အိပ်မက်များသည် ထိုလေထုထဲ၌ ဖွဲကဲ့သို့ လွှင့်ပြယ်ပါလိမ့်မည်။

ဆောင်းတွင်းအိပ်မက် ကယောက်ကယှက်ဆိုသည့်အတိုင်း

ကျွန်ုပ်၏အတွေးများသည် ယောက်ယှက်ခတ်လို့နေပါ၏။

ရှူရှိုက်မိသောလေသည် အသက်ရှူမှားရလောက်၏။

ထိတွေ့မိသောရေသည် အဝေးကို လွမ်းရလောက်၏။

အိပ်မပျော်သောညများသည် တိုးတိုးလာကာ

သိမ်မပျော်သောနေ့များသည်လည်း စိုးမိုးလာပါ၏။

အေးစက်သောပတ်ဝန်းကျင်၊ ပူလောင်သော စိတ်၏ လွင်ပြင်၌

ဓမ္မတေးသံတခုသည်သာ ကျွန်ုပ်၏ စိတ်ကို ငြိမ်သက်စေပါတော့သည်။

တည်ငြိမ်

Get Notify!