လူတွေက တပါးသူ တစုံတယောက်ရဲ့ ပြဿနာတွေအပေါ်ဘယ်လောက်တောင်စိတ်ပါဝင်စားကြသလဲ သင်သတိထားမိမှာပါ။ အဲ့ဒီပြဿနာတွေကြီးထွားလာစေဖို့ကိုလည်း လူတွေက ကြိတ်ပြီး မျှော်နေတတ်ကြ၊ ပျော်နေတတ်ကြပါတယ်။ ထိုလူတွေက အမှန်တရားတခုလုံးကို သေသေချာချာမသိကြဘူး—သိအောင်လည်း ကြိုးတောင်မကြိုးစားကြပါဘူး။ ထိုကဲ့သောလူတွေအတွက် မှားယွင်းတဲ့ အချက်အလက်တွေ၊ အတင်းအဖျင်းတွေနဲ့ အလိမ်အညာတွေဆိုတာ လက်စွဲတော်တွေဖြစ်ပြီး သူတို့ကိုယ်သူတို့ မှားယွင်းနေမှန်းမသိကြတော့ပါဘူး။

ဘာကြောင့်လဲ?

ဘာလို့လဲဆိုလျှင် အတင်းအဖျင်းတွေနဲ့ အလိမ်အညာတွေနောက်လိုက်တဲ့ လူအုပ်ကြီးထဲမှာ ပါဝင်ရတာဟာ ပိုပြီးလုံခြုံတယ်လို့ခံစားရလို့ပါ။ အဲ့ဒီလို မှားယွင်းနေတဲ့ trendတခုနောက်လိုက်နေခြင်းဟာ သူတို့ကိုယ်သူတို့ခေတ်မီတယ်၊ ပိုပြီး powerfulဖြစ်တယ် လို့ ခံစားရစေပါတယ်။

ဒါပေမဲ့ တကယ်ရောအဲ့လိုမျိုးတွေ ဖြစ်နေကြတာလား။

သေသေချာချာကြည့်မယ်ဆိုလျှင် ဒီလိုအမူအရာတွေက အကြောင်းအရာတခုကို မသိနားမလည်မှုတင်မဟုတ်ပါဘူး။ ကိုယ့်ဘာသာကို နေပြီး အမှန်တရားကို ရှာဖွေရမယ့်အစား ပတ်ဝန်းကျင်ကလူတွေနဲ့ မတရားသဖြင့် ပြောနေကြတဲ့ စကားသံတွေ ဆူညံသံတွေနောက်ကို လိုက်နေကြခြင်းဖြစ်ပါတယ်။ ဒီလို အခြေအနေမှာ အမူအရာ ၃ ခုကိုတွေ့ရပါတယ်။

Groupthink
Moral licensing
Love of Gossip

ဒါတွေက လူတွေ မိမိကိုယ်ကို မနိမ့်ချနိုင်ကြဘဲ တဖက်သားအပေါ် တဖက်သတ်နစ်နာသွားစေတဲ့ အကျိုးအကြောင်းတွေ ဖြစ်ပါတယ်။

Groupthink (Herd Mentality)

လူအုပ်ကြီးနောက်ကို သူလိုလို ကိုယ်လိုလို လိုက်နေခြင်းဟာ အချို့သောလူတွေအဖို့ စိတ်ကျေနပ်မှုရစေပြီး သက်သာရာရတတ်ကြပါတယ်။ အကြောင်းအရာတခုနဲ့ပက်သက်ပြီး လူအများပြောဆိုနေကြတာကို လက်ခံတာက အဲ့ဒီအရာတွေကို မေးခွန်းထုတ်ရတာထက် ပိုပြီးလွယ်ကူပါတယ်။ Groupthink ဆိုတဲ့ အရာက လူတွေဟာ စဉ်းစားဆင်ခြင်မှုကို ရပ်တန့်လိုက်ပြီး လူအများစုပြောတဲ့ major အချက်အလက်တွေကို မျက်စိမှိတ်ယုံကြည်ကြခြင်းဖြစ်ပါတယ်။ ကိုယ်နဲ့ ပုခုံးဖက်ပေါင်းတဲ့ သူငယ်ချင်းဘာပြောလဲ၊ ရပ်ကွက်ထဲက စကားကြွယ်တဲ့ ဆိုက်ကားဆရာ ဘာပြောလဲ၊ ကိုယ့်အထက်စီနီယာ အကိုအစ်မ ကဘာပြောလဲ စသဖြင့် မိမိနဲ့ နီးစပ်တဲ့ လူတွေဆီကနေ နှစ်ဆင့် သုံးဆင့် အဆင့်ဆင့် ပြန်လည်ကြားသိရတဲ့ လိုရင်လိုသလို၊ ပိုရင်ပိုသလို ပုံကြီးချဲ့ထားတဲ့ အကြောင်းအရာတွေကို မျက်ကန်းသဖွယ် ယုံကြည်ကြတာဘဲဖြစ်ပါတယ်။

"ဒီအရာတွေက ဖြစ်နိုင်ရဲ့လား?"

"ဒီလိုထင်မြင်ယူဆမှုက မျှမျှတတရော ဟုတ်ရဲ့လား?"

စသဖြင့် မေးခွန်းထုတ်ကြမယ့်အစား လူပိုများတဲ့ဘက်၊ အထိအခိုက်နည်းတဲ့ ဘက်ကို လူတွေက ရွေးချယ်ကြပါတယ်။

အဓိကပြဿနာကတော့ ကိုယ်ယုံကြည်နေမိတဲ့ လူအုပ်ကြီးက အမြဲတမ်း မမှန်နေပါဘူး။ မဟုတ်တမ်းစကားတွေကြောင့် တစုံတယောက်ရဲ့ ဂုဏ်သိက္ခာပျက်စီးသွားတာကို ကျွန်တော်တို့ ဘယ်နှခါ မြင်ခဲ့ပြီးကြပြီလဲ။ မဟုတ်တမ်း victim blaming တွေ၊ မဟုတ်မမှန် ဝါဒဖြန့်ခြင်းတွေကြောင့် လူ့အသက်တွေဘယ်လောက် သေကျေခဲ့ကြပြီးပြီလဲ။ အမှန်တရားကိုသိတဲ့အခါ ထိခိုက်နစ်နာမှုတွေ သေဆုံးမှုတွေက ဖြစ်နှင့်ပြီးခဲ့ကြပြီ။

စီးပွားတွေ ပျက်ခဲ့ရပြီ။
နှစ်ဖက် ဆက်ဆံရေးတွေ အေးစက်သွားခဲ့ရပြီ။
လူ့အသက်တွေ စတေးခဲ့ကြရပြီ။

ဒီအခြေအနေတွေမှာ အခက်ခဲဆုံးအရာတခုက အများနောက်မလိုက်ဘဲနေခြင်းပါဘဲ။ အခြေအနေတွေ၊ အချက်အလက်တွေကို ကာယကံရှင်တွေဆီက တိုက်ရိုက်မသိရှိဘဲ တဘက်ဘက်ကို လိုက်ဖို့ ကိုယ့်မသိစိတ်က ငြင်းဆန်ဖို့ဆိုတာ သိပ်ကို ခက်ခဲတဲ့ အရာတခုပါ။ အဲ့လိုငြင်းဆန်ဖို့ သတ္တိလည်းလိုအပ်ပါတယ်။ ဘာသတ္တိလည်းဆိုရင် စိတ်ထားကောင်းထားနိုင်တဲ့ သတ္တိပါ။

"ငါ ဒီအရာနဲ့ပက်သက်ပြီး သေချာမသိဘဲ ဘက်လိုက်လို့ မဆုံးဖြတ်ဘူး။"

"ငါ ဒီလူရဲ့ အကြောင်းကို မသိဘူး။ ဒါကြောင့် သူနဲ့ပက်သက်ပြီး ငါ သူများပြောသလို၊ လုပ်သလို လိုက်လုပ်တာ မဖြစ်သင့်ဘူး။"

စသဖြင့် ကိုယ့်စိတ်ထဲမှာ ဒီလို ကိုယ့်ကိုကိုယ် ပြန်ပြောနိုင်ဖို့တောင် သတ္တိဆိုတာ လိုအပ်ပါတယ်။

ဒီလို တုံ့ပြန်နိုင်တာက တကယ်တမ်းတော့ မလွယ်ကူပါဘူး။ ဒါပေမဲ့လည်း ဒါက လိုအပ်တဲ့ skillတခုဖြစ်ပါတယ်။

Moral Licensing

ဒီအမူအရာကတော့ လူတွေ သူတို့ကိုယ်သူတို့ မှန်ကန်တယ်ဆိုတဲ့အကြောင်း အတင်းလိုက်ညှိတဲ့ အမူအရာဖြစ်ပါတယ်။ သူတို့လုပ်လိုက်တဲ့ လက်လွန်ခြေလွန် လုပ်ရပ်တွေက မှန်ကန်ပါတယ်၊ တရားမျှတပါတယ် ဆိုပြီး သူတို့ရပ်တည်တဲ့ဘက်ကို မှန်ကန်တဲ့ဘက်ဖြစ်ကြောင်း ကိုယ့်စိတ်ကိုရော လူအများကိုပါ လက်ခံယုံကြည်စေခြင်း ဖြစ်ပါတယ်။ အလိမ်အညာတွေကို ပြန့်ပွားစေတယ်၊ အတင်းအဖျင်းတွေ ပြောတယ်၊ အမုန်းတရားတွေကို ပွားများစေရခြင်းဟာ ကောင်းမွန်တဲ့အရာတွေ ဖြစ်စေလိုသယောင်၊ တစုံတယောက်၊ တစုံတခုအတွက် ဘဲ တရားမျှတမှု ယူဆောင်နေသယောင် လူတွေက လုပ်လေ့လုပ်ထရှိကြပါတယ်။

ကျွန်တော်တို့ ရိုးရိုးလေးဘဲတွေးကြမယ်ဆိုလျှင် တစုံတယောက်ကို ထိခိုက်နစ်နာအောင်လုပ်တာက မှန်ကန်တဲ့အရာမဟုတ်ပါဘူး။ အကယ်၍ ထိုတစုံတယောက်က ကိုယ်နဲ့လည်းသေချာမသိဘဲ ကိုယ်ကသာ တိုက်ခိုက်နေသလိုဖြစ်နေတဲ့ အခြေအနေက မျှတမှု မရှိတာအမှန်ပါဘဲ။ လူအုပ်ကြီးထဲမှာတော့ ဒီလိုတွေလုပ်တာဟာ အဆင်ပြေနေသယောင် စိတ်ကျေနပ်နေသယောင်ရှိနေတတ်ပြီး မလိုလားအပ်တဲ့ အရာတွေဆီကိုသာ ကိုယ့်ကိုကိုယ် ဦးဆောင်နေစေတာပါ။ ဒီလို အတင်းအဖျင်းတွေနဲ့ မကောင်းတဲ့ အမြင်တွေကို ဖြန့်တာဟာ အဲ့ဒီ လုပ်နေစဉ်အတွင်းမှာဘဲ စိတ်ကြီးဝင်စေတာပါ။ ဒါတွေကြောင့်ဘဲ ကိုယ့်မှာ မှားယွင်းသေးသိမ်တဲ့ mindset တခုရှိနေဆိုတာ ကိုယ်ကတော့ သတိထားမိတော့မှာမဟုတ်ပါဘူး။ ဒီလိုအချိန်မှာဆိုလျှင် ကိုယ်က ကိုယ့်ကိုကိုယ် နိမ့်ချနေရဲ့လား ဆိုတာ ပထမဦးစွာ မေးသင့်ပါတယ်။ လူတွေက သူတို့ကိုသူတို့ ဂုဏ်ယူရတဲ့ အခြေအနေတွေ၊ စိတ်ကြီးဝင်တတ်တဲ့ အချိန်တွေမှာ အမှားတွေ လုပ်တတ်ကြပါတယ်။ ကိုယ့်ကိုကိုယ် အလုပ်မှာ စီနီယာဆိုတိုင်းလည်း အချိန်တိုင်း proudဖြစ်နေစရာ၊ တဖက်ပိတ်တွေးနေစရာမလိုအပ်ပါဘူး။ ကိုယ်က အမှုတခုအပေါ်မှာ တရားမျှတနေရဲ့လား၊ ဘက်လိုက်နေမိပြီလား၊ ကြားစကားတွေကို ယုံစားနေမိပြီလား၊ ဒေါသအလိုက် ၊ ခံစားချက်အလိုက် လုပ်နေမိပြီလား မိမိကိုယ်ကိုပြန်မေးသင့်ပါတယ်။

တကယ်ကိုစစ်မှန်တဲ့ နိမ့်ချသောစိတ်ထား ဆိုသည်မှာ မိမိကိုယ်ကိုမိမိ "ငါ့မှာ အဖြေ အကုန်လုံးမရှိဘူး။ ငါ အလုံးစုံကို သိမနေဘူး။"ဆိုတာကို နှလုံးသွင်းထားတတ်ခြင်းဖြစ်ပါတယ်။ ဒါဟာ မိမိကိုယ်ကို ငါဟာ အကြောင်းအရာတခုနဲ့ပက်သက်ပြီး မှားနေနိုင်တယ် ဆိုတာ ဝန်ခံထားခြင်း ဖြစ်ပါတယ်။

တပါးသူကို ထိခိုက်နစ်နာစေလိုက်ပြီး ကိုယ်ကိုကိုယ် စိတ်ကြီးဝင်မယ့်အစား မိမိကိုယ်ကို နိမ့်ချခြင်း နဲ့ အမှန်တရားကို ရှာဖွေတာဟာ ကိုယ့်အဆင့်ကို ကိုယ် အဆင့်မြင့်တင်ပေးလိုက်ပြီး လုံခြုံစေပါတယ်။

The Gossip and Rumor Phenomenon

နောက်ဆုံးတခုအနေနဲ့ ဒီအမှုအရာတွေထဲက အဆိုးဆုံး တရားခံ အကြောင်း ဆက်ပြောကြပါမယ်။

ဘာ့ကြောင့် လူတွေက ဒီအရာကို အရမ်းကြိုက်နှစ်သက်ကြတာလဲ?

အတင်းအဖျင်းပြောခြင်းက မူးယစ်ဆေးဝါးသဖွယ် စွဲလန်းတတ်ပါတယ်။

ဒီအရာက သင့်ရဲ့ နေ့စဉ်ဘဝမှာ ဖျော်ဖြေမှုတွေ ပေးနိုင်တယ်။ ဒီအရာက သင့်ကို ငါဟာ သိပါလား တတ်ပါလားဆိုပြီး တနေရာမှာ အရေးပါစေသယောင် ခံစားမိစေပါတယ်။ ဒါပေမဲ့ အတင်းအဖျင်းတွေရဲ့ အကျည်းတန်တဲ့ အမှန်တရားကတော့ ထိုအရာ အတော်များများက အလိမ်အညာတွေ (lies) မှန်တဝက် မမှန်တဝက်တွေ (half-truths) မှာ အခြေခံထားခြင်းဖြစ်ပါတယ်။

အတင်းအဖျင်းပြောခြင်းကို လူတော်တော်များများက အကြောင်းအရာတခုကို မျှဝေခြင်းဆိုပြီး မှားယွင်းနေတတ်ပါတယ်။ မျှဝေတာတော့ မှန်နေပေမဲ့ မှားတဲ့ နည်းလမ်းနဲ့ မျှဝေနေတာဖြစ်ပါတယ်။ တစုံတယောက်ရဲ့ ဘဝကိုပျက်စီးနိုင်လောက်တဲ့ တောမီးကို မွေးပေးနေခြင်းဖြစ်ပါတယ်။ သင်က သင့်ရဲ့ စကားလုံးတွေက ဒီလောက်ထိ သက်ရောက်မယ်လို့ မထင်လောက်ပါဘူး။ ဒါပေမဲ့ မကောင်းတဲ့ အရာတွေ၊ မကောင်းတဲ့ စကားလုံးတွေတိုင်းဟာ ကောင်းတဲ့အရာတွေထက် ပိုပြီး အဆပေါင်းများစွာ သက်ရောက်နေတတ်ပါတယ်။ ဒီစကားလုံးတွေကဘဲ ယုံကြည်မှုတွေကို ကျိုးကြေစေတယ်၊ တဘက်သူရဲ့ စိတ်ကျန်းမာရေးကို ထိခိုက်စေတယ်၊ တဘက်သူရဲ့ career ကို မကောင်းတဲ့ အကျိုးတွေ သက်ရောက်စေပါတယ်။

ဒါဆို ဘာ့ကြောင့် တိတ်ဆိတ်စွာနေဖို့က တော်တော်ခက်နေတတ်ကြတာလဲ? မိမိကိုယ်ကို နိမ့်ချပြီး အေးအေးဆေးဆေးနေဖို့ဆိုတာ အရည်အချင်းလိုအပ်ပါတယ်။ အဓိကအားဖြင့် မိမိကိုယ်ကို ထိန်းချုပ်ခြင်း (Self-control) လိုအပ်တာပါ။ လူအုပ်ကြီးနောက်လိုက်ဖို့ ၊ သူတို့ရဲ့ စကားသံနောက်ကိုလိုက်ချင်တဲ့ စိတ်က ထိန်းချုပ်ရခက်ပါတယ်။ အထူးသဖြင့် တခြားလူတွေကလည်း ဒီလိုတွေလုပ်နေကြရင် ကိုယ်ပါရောပြီး လုပ်ချင်သွားတာ သဘာဝဘဲမဟုတ်လား။ ဒါပေမဲ့ ဒီအချိန်တွေမှာ တိတ်ဆိတ်နေခြင်းက သင့်ကို powerful ဖြစ်စေနိုင်ပါတယ်။ သင်ဟာ အကြောင်းအရာတခုနဲ့ ပက်သက်ပြီး ဘာတွေတွေးနေသလဲ၊ သင်ဘယ်လို action ယူမလဲဆိုတာ မသိတဲ့ နိုင်တဲ့အတွက် တိတ်ဆိတ်နေခြင်းဟာ သင့်ကို အများရှေ့မှာ ခက်မှန်းရခက်စေပါတယ်။ တိတ်ဆိတ်နေခြင်းအားဖြင့် သင်ဟာ ကောလဟာလတွေကို ဖြန့်ဖြူးဖို့ ငြင်းဆန်နေသူဖြစ်ပြီး တဘက်သူကို ကာကွယ်ရာရတာတင်မကဘဲ သင့်ရဲ့ ရိုးသားမှု ဂုဏ်ကိုလည်း ကာကွယ်နေခြင်းဖြစ်ပါတယ်။

It’s easy to follow the crowd

အတင်းအဖျင်းပြောရတာ၊ အလိမ်အညာတွေဖြန့်ရတာ၊ မကောင်းတဲ့ အမှုအရာတခုကို မမှန်မှန်အောင်လုပ်ရတာတွေက လွယ်ကူပါတယ်။

ထပ်ပြီးပြောရမယ်ဆိုလျှင် နိမ့်ချပြီး တိတ်တဆိတ်နေတတ်ဖို့က လူတချို့တဝက်လောက်အတွက် အတော်ခက်ပါတယ််။

အများပြောဆိုနေကြတဲ့ ဆူညံသံတွေကို ငြင်းဆန်ပြီး သင်က အကြောင်းအရာတခုကို အလုံးစုံမသိရှိခြင်းကို ဝန်ခံခြင်းက သင့်ကို ပညာသဘောကြွယ်စေပါတယ်။

ဒါ့ကြောင့် ဒီလို အတင်းအဖျင်းကိစ္စတွေနဲ့ Groupthink အမူအရာတွေက သင်နဲ့ သင့်အနီးအနားမှာကြုံတွေ့လာရပြီဆိုလျှင် သင့်ကိုယ်သင် ဒီမေးခွန်းတွေကို အရင်မေးကြည့်သင့်ပါတယ်။

"ငါတကယ်ရော အမှန်တရားကို သိရဲ့လား၊ ဒါမှမဟုတ် သူများပြောတာတွေကိုဘဲ ကြားပြီ ယုံနေမိပြီလား?"

"ငါ့ရဲ့ ပြောဆိုလုပ်ဆောင်ချက်တွေက အများအဖို့ကူညီနေတာလား၊ ဒါမှမဟုတ် အခြေအနေကို ပိုဆိုးအောင် ဖြစ်စေနေပြီလား?"

"ငါက မျှမျှတတရှိပြီး နိမ့်ချနေရဲ့လား၊ ဒါမှမဟုတ် လူအုပ်ကြီးနောက်ကို လိုက်နေမိပြီလား?"

အပေါ်မှာပြောခဲ့သလိုပါဘဲ နိမ့်ချပြီး အေးဆေးနေနိုင်တယ်ဆိုတာ ခက်ခဲတဲ့ အရည်အချင်းတခုဖြစ်ပါတယ်။ ဒါပေမဲ့ တဘက်မှာကြည့်လျှင်လည်း ဒီအရည်အချင်းက သင်တည်ဆောင်နိုင်တဲ့ အရေးကြီးတဲ့ skillတွေထဲက တခုလည်းဖြစ်ပါတယ်။ လူအများအော်ဟစ်ပြောဆိုနေတဲ့ လောကကြီးမှာ နားထောင်တတ်တဲ့ သူတယောက်ဖြစ်ဖို့လည်း အရေးကြီးတယ်မလား။ ဆူညံသံတွေပြည့်နက်နေတဲ့လောကကြီးမှာ အမှန်တရားကို မဖော်ထုတ်နိုင်လျှင်တောင် အနည်းဆုံး အေးဆေးနေပြီး အမှန်တရားကို စကားပြောခွင့်ပေးလို့ရပါတယ်။ အနည်းဆုံးအနေဖြင့် ဆူညံသံတွေရဲ့နောက်ကို လိုက်ပြီး မှားတဲ့လူတယောက်တော့ မဖြစ်မှာ အသေအချာပါဘဲ။

Regret is a bitter truth

အတင်းအဖျင်းပြောတာတွေ၊ groupthink နဲ့ toxic အမှုအရာတွေက သူများကို နစ်နာစေရုံသာမက သင့်ရဲ့ဂုဏ်သိက္ခာကိုလည်းထိခိုက်စေတယ်ဆိုတာ သဘောပေါက်ရန် အရေးကြီးပါတယ်။ တချိန်က သင်က အမှန်တရားနဲ့ ရပ်တည်ရမယ့်အစား မဟုတ်မမှန်စကားတွေကို လိုက်လျှောက်ပြောမိခဲ့မယ်၊ ဒါမှမဟုတ် လူအုပ်ကြီးနောက်ကို လိုက်နေမိခဲ့တာတွေကို ပြန်တွေးကြည့်လိုက်ပါ။ ဒီလုပ်ဆောင်ချက်တွေက သင့်ကို professional လည်းမဆန်စေသလို လူ့ကျင့်ဝတ်နဲ့လည်း မကိုက်ညီပါဘူး။ လုပ်ငန်းခွင်တခုမှာ professional ဆန်တယ်ဆိုတာဟာ ပြဿနာအခြေအနေတွေမှာ အလုံးစုံမသိရှိရသေးခင် ဘက်မလိုက်တာကို ဆိုလိုခြင်းဖြစ်ပါတယ်။ Toxicဆန်တဲ့ အပြုအမူတွေကို ရှောင်ရှားတာဟာလည်း သင့်ကို ရင့်ကျက်စေပါတယ်။ ကိုယ့်ကိုကိုယ် အာဏာရှိချင်လို့ဖြစ်စေ၊ အရာဝင်စေချင်လို့ ဖြစ်စေ တပါးသူကို ချနင်းတတ်တဲ့လူကို ဘယ်သူ့မျှ အထင်မကြီးပါဘူး။

ဒီအရာတွေက သင့်ကို cool kid မဖြစ်စေဘဲ

သင့်ကို စိတ်မလုံမလဲ ဖြစ်စေပါတယ်။

သင်က ဘယ်လောက်ဘဲ သင့်ရဲ့ careerမှာ skillfulဖြစ်နေပါစေ အရေးမပါတဲ့ ဒီလိုလုပ်ရပ်တွေကြောင့်ဘဲ သင့်ရဲ့ imageကို ခဏလေးအတွင်း ဖျက်စီးလိုက်နိုင်ပါတယ်။ လုပ်ငန်းခွင်မှာလည်း တဘက်သူကို လေးစားတယ်ဆိုတာ talentတခုသာမက သင့်ရဲ့ စာရိတ္တနဲ့ လူမှုရေးကို ရောင်ပြန်ဟပ်စေပါတယ်။

ဒီမှာ ခဏ အသိပေးရစေ။ သင့်ကို မတရားအခြေအနေတွေမှာ နှုတ်ပိတ်နေဖို့ ပြောနေတာမဟုတ်ပါဘူး။ အကယ်၍ သင့်အနေနဲ့ လုံးဝမှားယွင်းနေတဲ့အရာကို သေချာသိလျှင် အမှန်တရားအတွက် အသံတခုအနေဖြင့် ကူညီပေးလိုက်ပါ။ ဒါပေမဲ့ အမြဲစိတ်ထဲ နားလည်ထားရမှာက အကြောင်းအရာတခုနဲ့ပက်သက်ပြီး နှစ်ဘက်စလုံးနဲ့ဆိုင်တဲ့ သင်မသိတဲ့သေးအရာတွေလည်း ရှိကောင်းရှိနိုင်တယ်ဆိုတာပါ။

သေသေချာချာ လေ့လာပါ။
အမှန်တရားကို ရှာဖွေပါ။
အကြောင်းအရာတခုနဲ့ ပက်သက်ပြီး နိမ့်ချစွာ ချည်းကပ်ပါ။

အကယ်၍ ဒါတွေကို သင်မလုပ်နိုင်ဘူးဆိုလျှင် လူအုပ်ကြီးကနေဝေးဝေးနေပြီး သင်အလုံးစုံမသိတဲ့ တဖက်ပိတ်အခြေအနေတွေမှာ မီးလောင်ရာ လေပင့်မဖြစ်ရလေ ဆင်ခြင်ရအောင်လား။

To conclude,

အချုပ်အားဖြင့်ဆိုရလျှင်

Being still is truly a hard skill

ဒါက actionတခုသာမက သင့်ရဲ့ personality နဲ့ characterဘဲဖြစ်ပါတယ်။

နောက်ပြီး ခါးသီးတဲ့ အမှန်တရားတခုကတော့

being still is not for everyone.

Proverbs 17:27-28 (NIV)
The one who has knowledge uses words with restraint, and whoever has understanding is even-tempered. Even fools are thought wise if they keep silent, and discerning if they hold their tongues.

သုတ္တံကျမ်း 17:27-28 (MBSU)

မိမိစကားကိုထိန်းချုပ်သောသူသည် အသိပညာရှိ၏။

စိတ်အေးဆေးတည်ငြိမ်သောသူသည် ထိုးထွင်းဉာဏ်ရှိသောသူဖြစ်၏။

ဆိုးမိုက်သောသူပင် တိတ်ဆိတ်စွာနေလျှင် ပညာရှိဟူ၍လည်းကောင်း၊

မိမိ၏နှုတ်ကိုပိတ်ထားလျှင် အသိဉာဏ်ရှိသောသူဟူ၍လည်းကောင်း မှတ်ယူခြင်းခံရတတ်၏။

Proverbs 16:28 (NIV)

A perverse person stirs up conflict, and a gossip separates close friends.

သုတ္တံကျမ်း 16:28 (MBSU)

ဖောက်ပြန်လွဲမှားသောသူသည် အငြင်းပွားမှုကိုဖြစ်ပွားစေတတ်၏။ အတင်းအဖျင်းပြောဆိုသောသူသည်လည်း အပေါင်းအဖော်ကိုကွဲပြားစေတတ်၏။

Proverbs 18:8 (NIV)

The words of a gossip are like choice morsels; they go down to the inmost parts.

သုတ္တံကျမ်း 18:8 (MBSU)

အတင်းအဖျင်းပြောဆိုသောသူ၏စကားတို့သည် စားကောင်းသောက်ဖွယ်များကဲ့သို့ဖြစ်၍ အတွင်းအကျဆုံးနေရာများသို့ဆင်းသွားတတ်၏။

Proverbs 11:13 (NIV)

A gossip betrays a confidence, but a trustworthy person keeps a secret.

သုတ္တံကျမ်း 11:13 (MBSU)

အတင်းအဖျင်းလိုက်ပြောသောသူသည် လျှို့ဝှက်ချက်ကိုပေါက်ကြားစေတတ်၏။ ယုံကြည်စိတ်ချရသောစိတ်သဘောရှိသူမူကား အမှုကိစ္စကို ဖုံးကွယ်ထားတတ်၏။

Ephesians 4:29 (NIV)

Do not let any unwholesome talk come out of your mouths, but only what is helpful for building others up according to their needs, that it may benefit those who listen.

ဧဖက်ဩဝါဒစာ 4:29 (MBSU)

သင်တို့၏နှုတ်ထဲမှ မကောင်းသောစကားတစ်ခွန်းကိုမျှ မထွက်စေနှင့်။ ကြားရသောသူတို့ကို ကျေးဇူးပြုနိုင်ရန် လိုအပ်ချက်နှင့်အညီ တည်ဆောက်စရာဖြစ်စေသည့် ကောင်းသောစကားတို့ကိုသာ ပြောဆိုကြလော့။

James 3:5-6 (NIV)

The tongue is a small part of the body, but it makes great boasts. Consider what a great forest is set on fire by a small spark. The tongue also is a fire, a world of evil among the parts of the body.

ရှင်ယာကုပ်ဩဝါဒစာ 3:5-6 (MBSU)

Being Still Is a Hard Skill

Get Notify!